នៅថ្ងៃទី២៤ខែធ្នូឆ្នាំ២០១៥វេលាម៉ោង១៥និង៣០នាទីនាទីស្តីការក្រសួងការបរទេសនិងសហប្រតិបត្តិការអន្តរជាតិឯកឧត្តមប្រាក់សុខុនរដ្ឋមន្ត្រីក្រសួងប្រៃសណីយ៍និងទូរគមនាគមន៍និងជាអនុប្រធានអាជ្ញាធរកម្ពុជាគ្រប់គ្រងសកម្មភាពកំចាត់មីននិងសង្គ្រោះជនពិការដោយសារមីនហៅកាត់ថា CMAA បានអញ្ជើញចូលរួមជាកិត្តិយសក្នុងពិធីប្រគល់ទទួលសម្ភារការិយាល័យដែលរដ្ឋាភិបាលនៃសាធារណរដ្ឋប្រជាមានិតចិនផ្តល់ជូនមជ្ឈមណ្ឌលតំបន់អាស៊ានសម្រាប់សកម្មភាពមីន (ASEAN Regional Mine Action Center: ARMAC) និងអាជ្ញាធរ CMAA ។ពិធីនេះធ្វើឡើងក្រោមអធិបតីភាពឯកឧត្តមឧបនាកយរដ្ឋមន្ត្រីហោណាំហុងរដ្ឋមន្ត្រីក្រសួងការបរទេសនិងលោកជំទាវប៊ូជាំងគូ (BU Jianguo) ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំនៅកម្ពុជា។

សម្ភារដែលត្រូវបានប្រគល់ទទួលរួមមាន៖ម៉ាសីុនកុំព្យូទ័រ, ម៉ាសីុនថតរូប, ម៉ាសីុនបញ្ចាំងរូបភាពម៉ាសីុនព្រីនធ័រ, ម៉ាសីុនស្កែន, ម៉ាសីុនថតចម្លងខ្នាតធំ, ម៉ាស៊ីន GPS, ឧបករណ៍រាវរកនិងដោះមីន, និងសម្ភារការពារខ្លួនអ្នកដោះមីនជាដើម៕