រដ្ឋកាលីហ្វ័រនីញ៉ា៖ កាលពីថ្ងៃទី២៨ ខែឧសភា ឆ្នាំ២០២៥ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងគណៈប្រតិភូ បានអញ្ជើញទស្សនកិច្ចនិងពិភាក្សាការងារជាមួយ សាកលវិទ្យាល័យ Stanford។

កិច្ចប្រជុំនេះ មានគោលបំណងពង្រឹងកិច្ចសហការក្នុងការបណ្តុះបណ្តាលពាក់ព័ន្ធនឹងការអប់រំបច្ចេកវិទ្យាឌីជីថល សហគ្រិនភាពធុរកិច្ចឌីជីថល និងសន្តិសុខសាយប័រ ព្រមទាំងគម្រោងស្រាវជ្រាវរួមគ្នា។ ទន្ទឹមនឹងនេះ ឯកឧត្តមរដ្ឋមន្រ្តីបាន​បង្ហាញអំពីវឌ្ឍនភាពនិងសមិទ្ធផលនៃដំណើរការបរិវត្តកម្មឌីជីថលនៅកម្ពុជា ជាពិសេសផ្តោតលើថ្នាល VERIFY.GOV.KH កម្មវិធី DG SuperApp និងសួនឌីជីថល។