រាជធានីភ្នំពេញ៖ នៅរសៀលថ្ងៃទី២៥ ខែមិថុនា ឆ្នាំ២០២៥ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណណីយ៍និងទូរគមនាគមន៍ បានអនុញ្ញាតលោក អូលីវីយេ ជ្មីតហស្លេរ អភិបាលព្រះសហគមន៍កាតូលិកភូមិភាគភ្នំពេញ ចូលជួបសម្តែងការគួរសម និងពិភាក្សាការងារ នៅទីស្តីការក្រសួងប្រៃសណីយ៍និងទូរគមនាគមន៍។
ក្នុងជំនួបនេះ ឯកឧត្តមរដ្ឋមន្រ្តី និងលោកអភិបាល បានពិភាក្សាលើការងារពាក់ព័ន្ធនឹងការបណ្តុះបណ្តាល ធនធានមនុស្សផ្នែកឌីជីថល និងជំនាញវិជ្ជាជីវៈ ព្រមទាំងចែករំលែកអំពីសុខុដុមនីយកម្មសាសនានៅកម្ពុជា ផងដែរ។
